СКОПСКИОТ АЕРОДРОМ АПСОЛУТЕН ШАМПИОН – годинава го забележа најсилниот раст во регионот, зад него се белградскиот и загребскиот

Скопскиот и и белградскиот аеродром годинава ќе го забележат најсилниот раст во регионот, секој со над 200.000 седишта. Зголеменото присуство на компанијата Виз Ер го поттикнува растот и во двата града, зголемувајќи го капацитетот за 286.124 седишта во Скопскиот регион и 141.905 во Белград, објави специјализираниот сајт за авијација, Ex-Yu Aviation.

Како што се приближува крајот на 2025 година, речиси сите аеродроми во поранешна Југославија ќе го зголемат својот расположлив капацитет во текот на првите три месеци од 2026 година во споредба со претходната година.

Политиките на Владата во авиосообраќајот даваат резултати. Скопје апсолутен лидер за првиот квартал на 2026 година со нови 316 илјади седишта, искоментира на својот Фејсбук профил министерот за транспорт и врски, Александар Николоски по повод објавените резултати на домашниот авиосообраќај.

Загрепскиот аеродром ги комплетира првите три места во регионот, а домашната Кроација Ерлајнс дејствува како главен двигател на растот. Националниот авиопревозник на Хрватска додава 65.678 седишта во хрватскиот главен град, проширувајќи ја својата флота и мрежа, додека преминува на флота од еден тип.

Нискобуџетниот Рајанер, кој беше одговорен за значителен дел од растот на Загрепскиот аеродром во последните години, ќе забележи поскромен пораст во текот на првиот квартал, додавајќи 11.960 седишта, што е помалку од Туркиш Ерлајнс со дополнителни 13.006. Од друга страна, конкурентот на Рајанер, Виз Ер, исто така, го поттикнува растот на неколку помали аеродроми во поранешна Југославија во текот на првите три месеци, вклучувајќи ги Тузла, Ниш, Бања Лука и Охрид.

Севкупно, пазарите на поранешна Југославија ќе понудат 7.514.798 седишта на редовни летови во текот на првиот квартал од 2026 година во 48.428 операции, што е зголемување од 20,9%. Кога се разгледува целиот регион заедно, најпрометната меѓународна дестинација е аеродромот во Истанбул, со 278.839 седишта, по што следуваат Цирих со 242.623 и Истанбул Сабиха Гокчен со 207.556. Некои од рутите што сообраќаа во текот на првиот квартал, а не беа достапни претходната година, вклучуваат Тбилиси, Астана и Гренобл од Белград, Гран Канарија од Љубљана, како и Ларнака и Прага од Скопјe, за да наброиме само неколку, објави Ex-Yu Aviation.