Седум од десет најбогати луѓе во светот се технолошки генијалци

Седум од десет бизнисмени на списокот на 500 најбогати луѓе во светот се технолошки генијалци, според списокот на милијардери на Блумберг.

Џеф Безос, основачот на Амазон, е на врвот на оваа листа. Неговото богатство, кое се проценуваше на 110 милијарди долари во декември минатата година, значително се зголеми за време на пандемијата, и сега изнесува 187 милијарди. Амазон е исто така најголемата вебстрана за купување кога станува збор за вредноста на берзата.

Илон Маск е на второто место на оваа листа, бидејќи го зголеми своето богатство на 140 милијарди долари. Маск е шеф на компаниите Тесла, Спејс и Неуролинк, кои се добро познати низ целиот свет.

Бил Гејтс, основачот на „Мајкрософт“ е на третото место на оваа листа. Гејтс се прослави кога го создаде еден од најчесто користените оперативни системи, а сега вреди 129 милијарди долари.

Францускиот бизнисмен Бернард Арно е четврти на листата со богатство проценето на 105 милијарди долари, додека првиот човек на Фејсбук Марк Закерберг е на петто место со проценето богатство на 104 милиони долари.

Следниот на листата „топ 10“ е Ворен Бафет, кој не се занимава со технологија, потоа Лери Пејџ, Сергеј Брин и Стив Балмер, кои исто така се занимаваат со технолошки бизнис.