Се зголемија цените на акциите на светските берзи

На светските берзи минатата недела цените на акциите пораснаа, неутрализирајќи ги загубите од претходната недела. На Вол Стрит, индексот S&P 500 достигна ново рекордно високо ниво, благодарение на веста за дополнителна поддршка за американската економија.

На Вол Стрит, Dow Jones скокна за 3,4 проценти минатата недела  односно на 33.433 поени, додека S&P 500 порасна за 2,7 проценти, на 4.280 поени, а индексот Nasdaq порасна за 2,4 проценти, на 14.360 поени.

И на европските берзи минатата недела, цените на акциите пораснаа. Лондонскиот индекс FTSE зајакна за 1,7 отсто, на 7.136 поени, додека франкфуртскиот DAX порасна за 1 процент, 15.607 поени, а парискиот CAC 0,8 проценти, на 6.622 поени.

На берзата во Токио, индексот Никеи зајакна за 0,35 проценти, на 29.066 поени.