Аналитика
За десет години превозот на стока не само што е намален туку може слободно да се каже дека е десеткуван ниту кога станува збор за превозот на патници не е подобра состојбата. Инфраструктурата, локомотивите, патничките и товарните вагони се во очајна состојба.
Железничкиот транспорт е особено важен за држави без излез на море, како што е Македонија, затоа што големата меѓународната размена на стоки во најголем обем се врши преку водниот транспорт кој е најевтин, а после него е железницата. Што значи дека транспортот има огромно влијанието врз економијата.
Но, и покрај важноста на железничкиот сообраќај за развојот на една земја, тој со години е заборавен од властите.
И наместо плановите да се од стратешки карактер и долгорочни, Македонија се обидува некако да ги „закрпи“ дупките со договори кои може минимално значат некои придобивки, но не го решаваат проблемот со македонските железници.
Акционерското друштво за железнички транспорт на стоки Србија Карго склучило договор со Железницата на Македонија – Транспорт АД Скопје, на која ќе и изнајми четири електрични локомотиви од серијата 461, со што оттаму велат дека ова е стратешка соработка на две државни железнички компании.
Од соседството велат дека овој договор ќе донесе придобивки, значително ќе го забрза протокот на стоки од грчките пристаништа, како што се Солун и Пиреја, преку Македонија и Србија, што ќе овозможи побрз транзит кон Европската Унија.
Се проценува дека закупот на дополнителни локомотиви од Македонија ќе овозможи зголемување на капацитетот на транзитниот сообраќај на Коридорот 10, кој минува низ Македонија и Србија.
-„Србија карго“ генерира дополнителен приход со изнајмување достапни локомотиви, додека „Железници на Северна Македонија“ со овој закуп обезбедува поефикасен транспорт на транзитни возови, вклучително и оние на големите компании, обезбедувајќи континуитет на сообраќајот низ Србија, се наведува во соопштението.
