Аналитика
Компанијата Samsung Electronics најави проширување на актуелниот бета програм One UI 8 за дополнителни Galaxy уреди. Оваа надградба поставува темели за напредни мултимодални функционалности на поголем број Galaxy уреди различни формати, со интуитивни Galaxy AI искуства кои ја поедноставуваат секојдневната рутина.
Најпрво претставен со серијата Galaxy S25 во мај, One UI 8 бета, од следната недела, ќе ги вклучува Galaxy S24 серијата, Galaxy Z Fold6 и Galaxy Z Flip6 во Јужна Кореја, САД, Велика Британија и Индија.
Во септември, достапноста ќе биде проширена на уште повеќе уреди, вклучувајќи ги сериите Galaxy S23, Z Fold5, Z Flip5, A36 5G, A55 5G, A35 5G и A54[1]. Корисниците ќе можат да се пријават за бета програмата преку апликацијата Samsung Members.
One UI 8 донесува попаметни и попрактични AI искуства преку мултимодални функционалности кои го разбира контекстот на корисникот во реално време и овозможува поприродна интеракција. Во комбинација со Galaxy Buds3 или Buds3 Pro слушалки, корисниците можат да активираат Google Gemini со глас или долг притисок на било која слушалка. Дизајниран да ги надополни различните Galaxy формати, One UI 8 ги подобрува продуктивноста и ефикасноста, нудејќи персонализирани, проактивни предлози прилагодени на секој корисник.
Во септември, Samsung ќе започне со официјалното пуштање на One UI 8 верзијата, вклучувајќи и многу важни повратни информации од учесниците на бета програмата. Надградбата прво ќе биде достапна за Galaxy S25 серијата, а потоа ќе се проширува на други уреди. Исто така, One UI 8 Watch ќе биде достапен за повеќе Galaxy Watch модели, надвор од Galaxy Watch8 серијата, во текот на оваа година, носејќи мотивирачки здравствени функции и подобрен, интуитивен интерфејс за паметни часовници до широка корисничка база.
За Samsung Electronics Co., Ltd.
Samsung ги инспирира луѓето и ја обликува иднината со трансформативни идеи и технологии. Компанијата го редефинира светот на телевизори, дигитални обележја, паметни телефони, носиви уреди, таблети, домашни апарати и мрежни системи, како и меморија, LSI системи и производство на чипови. Samsung исто така ја унапредува технологијата на медицинските снимања, HVAC решенија и роботика, додека исто така создава и иновативни решенија за автомобилската индустрија и аудио производи преку компанијата Harman. Со својот екосистем SmartThings, отворената соработка со партнерите и интеграција на вештачката интелигенција во своето портфолио, Samsung обезбедува беспрекорно и интелигентно поврзано искуство. За најновите вести, посетете ја страницата Новости на Самсунг.
[1] Достапноста може да варира во зависност од моделот и пазарот.
