Аналитика
На седницата одржана на 14 мај 2025 година, Собранието на Република Северна Македонија донесе одлука со која г. Ремзи Бајрами е избран за претседател на Советот на експерти на Агенцијата за супервизија на капитално финансирано пензиско осигурување – МАПАС.
Изборот на г. Бајрами претставува признание за неговото долгогодишно професионално искуство и експертиза. Тој ја презема функцијата со силна заложба за натамошно јакнење на институционалните капацитети на МАПАС, унапредување на регулативата и обезбедување стабилен и одржлив пензиски систем, којшто ќе ги штити интересите на осигурениците.
Советот на експерти има клучна улога во формирањето на стручни политики и насоки за развој на капитално финансираното пензиско осигурување, како дел од тростолбниот пензиски систем во државата.
Во име на МАПАС, му упатуваме искрени честитки на г. Бајрами за изборот и му посакуваме успешно извршување на оваа значајна и одговорна функција.
