Аналитика
Турците и во април биле најбројните туристи што ја посетиле Македонија, имало гости и од Јужна Африка, но не е забележан ниту еден Американец. Главната дестинација им била Скопје, а првиот изборот за сместување хотелите. И тоа оние со четири ѕвездички.
Бројот на туристите се зголемува, во четвртиот месец за 16,9 проценти. Или, тогаш во државата биле регистрирани 81.752 посетители, од кои 23 отсто биле домашни (18.774), а 77 отсто странски туристи (62.978).
Податоците на Државниот завод за статистика уште покажуваат дека на годишно ниво ноќевањата се зголемиле за 16,1 проценти во април биле реализирани вкупно 151.720. Структурата ја сочинуваат 28,8% или 43.658 ноќевања од нашинци и 71,2%, односно 108.062 од странски гости.
Извор: Државен завод за статистика
Во четиримесечјето, пак, од јануари до април, а споредено со истиот минатогодишен период, бројот на туристите е повисок за 15,3 проценти. Тогаш имало 232.585 туристи од кои 73.774 домашни и 158.811 странски. Зголемувањето кај првите е за 7,4, а кај вторите за 19,3 насто.
Зад нив останале забележани 457.776 ноќевања и во тие четири месеци има годишен раст од 15,2 проценти. Домашните туристи ги зголемиле ноќевањата за 15, а странците за 15,4 насто.
Во графата кај гостите од Турција е запишана бројка од 25.324, кои во структурата учествуваат со високи 40,2 проценти. Зад нив, но за петпати помалку се соседите од Србија – 5.006. Во април статистиката забележала и десетмина туристи од Јужна Африка.
Скопје е најпосетуваната македонска дестинација, во април дошле 33.154 туристи: домашни 3.741 и 29.413 странци. Истиот тој месец во крајезерските места престојувале 30.029 лица. Повеќето странци – 22.513 и домашни 7.516.
Најголемиот дел од нив, 76.662, се смесиле во некој од хотелите низ државата, каде што биле регистрирани 16.226 домашни и 60.436 странски туристи. Меѓу хотелите, пак, најчесто се бирале оние со четири ѕвездички. Во април таму ноќевале 40.392, од кои 7.551 домашни и 32.841 странски гости.
