Македонските работниците и нивните колеги од западен балкан барани во Германија

На државјаните на Македонија, Босна и Херцеговина, Црна Гора, Србија, Албанија и на Косово и натаму ќе им биде овозможено, независно од квалификациите да дојдат на работа во Германија, пишува Дојче Веле. Германија ќе ја продолжи вонредната дозвола со која на луѓето од Западен Балкан им е овозможено доаѓање во Германија.

Како што пишува Дојче Веле, германското Министерство за труд се очекува да ја продолжи таканаречената Регулатива за Западен Балкан до 2023 година. Тоа значи дека државјаните на Македонија, Србија, Црна Гора, Босна и Херцеговина, Албанија и Косово и натаму ќе можат, независно од своите формални квалификации за добивање на работното место, да допатуваат во Германија за работа.

Вкупниот годишен контингент за доаѓање на работна сила од Западен Балкан во Германија изнесува 25.000. Од јануари 2016 година, државјаните од земјите на Западен Балкан можат да добијат виза во Германија, дури и без познавање на германскиот јазик и без професионални квалификации.