РАБОТА ОД ДОМА – УДОБНОСТ БЕЗ ЖРТВА: Работниците од еврозоната не сакаат пониски плати

Секој четврти работник во еврозоната сега ја гледа работата од дома како реална опција – но дали е подготвен да плати цена за тоа?

Работата од дома полека станува етаблиран дел од деловната стварност по пандемијата. Според Евростат, процентот на луѓе на возраст меѓу 20 и 64 години кои барем понекогаш работеле од дома се искачил од 11,7% во 2019 година на 22,4% во 2024 година.

Во меѓувреме, Европската централна банка (ЕЦБ), преку Анкетата за очекувањата на потрошувачите (CES), бележи дека во мај 2024 година дури 33,6% од вработените тврделе дека работат најмалку два дена неделно од дома.

Сепак, иако расте бројот на денови каде што се работи од дома, не е јасно дали работниците се подготвени да жртвуваат од својата плата за таа флексибилност. Според истражувањето на ЕЦБ од мај 2025 година, околу 70% од вработените не би прифатиле никакво намалување на платата ако нивниот работодавач не дозволува работа од дома, дури и ако им се понуди можност да работат два или три дена неделно.

Од оние што би прифатиле: 13% би се согласија на намалување меѓу 1% и 5%, а 8% би прифатиле меѓу 6% и 10%. Средното намалување кое вработените би го прифатиле е 2,6%.

Интересно е дека оние кои веќе работат од дома имаат поголема подготвеност да прифатат повисоко намалување. На пример, оние кои фискно секој ден работот од дома би прифатиле намалување на платата до околу 4,6%, додека оние кои работат од дома само еден ден неделно би се задоволиле со многу помала жртва – приближно 1,6%.

Кој најмногу цени можноста за работа од дома? Младите работници, оние со подолг пат до работа, и домаќинства со деца изгледа дека ја имаат најголемата мотивација. Напротив, влијанието на приходот, образованието или полот е минимално.

Во споредба со други студии, оваа проучување покажува дека работниците во еврозоната се значително помалку подготвени да се откажат од поголем дел од платата за флексибилността. На пример, истражувања од САД и Германија прикажуваат дека луѓето би прифатиле намалувања од 5-7% или повеќе за слични аранжмани.

Сумирано, можноста за работа од дома е високо вреднувана, но не доволно за мнозинството работници да ја жртвуваат платата. Наспроти големото задоволство од хибридните модели, цената која работниците се спремни да ја платат е релативно мала.