Аналитика
Замислете да имате помалку стрес и повеќе време. Замислете да добивате помош пред да побарате. Во ерата на мобилната AI, слободата да се фокусирате на она што е најважно за вас не е сон, туку реалност – и наскоро доаѓа на Galaxy.
Пред неколку недели, ја лансиравме One UI 7 бета програмата. Таа го означи почетокот на новата ера со првиот AI-интегриран оперативен систем – вистинска AI платформа која значително го подобрува мобилното искуство на корисниците преку невидена персонализација.
Пристапот на Galaxy кон AI персонализација од лансирањето на првиот AI телефон до постојаните иновации со AI во уредите, никогаш не прави компромиси со приватноста. Ние знаеме дека вие сакате придобивки од мобилната AI која вистински ве разбира. Сакате телефон приспособен на вашиот начин на живот, кој додава вредност и ги отстранува секојдневните бариери – сето тоа без ризик од злоупотреба на вашите лични информации.
Очекувајќи го следниот стандард за Galaxy S серијата на паметни телефони, на корисниците на Galaxy им нудиме поголема сигурност заедно со поголема персонализација. Затоа ја создадовме функцијата Personal Data Engine, моќна иновација за приватност која обезбедува заштита на личните податоци на уредот преку различни апликации.
Персонализираните податоци се складираат во безбеден простор и се внимателно заштитени со клуч за енкрипција кој го управува платформата Knox Vault. Тоа е истата доверлива платформа што ги обезбедува најчувствителните информации на вашиот паметен телефон како што се биометриските податоци. И како дополнителен слој на заштита, пост-квантната криптографија ја осигурува безбедноста на вашите податоци од зголемените закани од квантните компјутери.
На оваа цврста основа на приватност градиме повеќе можности за мобилни искуства кои се приспособени на вашиот живот – само со Galaxy.
Еден од клучните елементи на One UI 7 е функцијата Now Bar, која ѝ дава ново значење на персонализацијата со беспрекорно интегрирање на вашите секојдневни активности и најчесто користени апликации на вашиот заклучен екран. Тука ќе управувате со забавата, ќе го поставите вашиот следен рекорд на вежбање, ќе добивате насоки за следниот состанок или ќе започнете комуникација на други јазици.
Now Bar, исто така, ќе биде точка за пристап до најсеопфатните и највлијателните искуства досега на Galaxy. Вашиот телефон нема само да ве известува – тој ќе го зајакнува вашиот начин на живот.
Замислете дека се пакувате за патување од Сеул, Кореја, до Сан Хозе, Калифорнија. Додека се подготвувате, телефонот нуди сугестија да создадете папка со вашите најважни апликации за побрз пристап. За да не го пропуштите летот, ве информира кога е време да тргнете на аеродром. Дури и ви подготвува курирана плејлиста за да ја разубавите атмосферата за вашиот долг лет.
Со еден потег, можете да пристапите до временската прогноза – без потреба да пребарувате или да проверувате различни апликации. За време на патувањето, вашиот телефон ја доловува магијата на секој момент, а на крајот на денот ви помага да ги оживеете најубавите спомени.
Наутро и навечер, Galaxy AI ќе ве информира и инспирира со корисни совети и препораки[1] кои се уникатно приспособени на вашиот живот. Револуционерна персонализација со приватност на која секогаш можете да се потпрете. Ова е следната еволуција на Galaxy AI.
###
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
[1] Некои функции може да бараат најавување на сметката на Samsung. Достапноста на услугата може да се разликува според земја, јазик, модел на уред, апликации..
