Аналитика
Просечната месечна исплатена нето-плата по вработен во мај 2021 година изнесува 28 721 денари. Според податоците на Државниот завод за статистика, индексот на просечната месечна исплатена нето-плата по вработен во мај 2021 година, во однос на мај 2020 година, изнесува 108.8.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (29.0 %), Објекти за сместување и сервисни дејности со храна (28.7 %) и Други услужни дејности (14.4 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: Објекти за сместување и сервисни дејности со храна (7.0 %), Снабдување со електрична енергија, гас, пареа и климатизација (5.5 %) и Снабдување со вода; отстранување на отпадни води, управување со отпад и дејности за санација на околината (5.3 %).
Сепак, ако подетално се анализираат податоците може да се забележи дека најголем пораст на платите за една година односно мај лани во однос мај 2021 година има кај:
- коцкање и обложување 35,4%
- објекти за сместување 33,8%
- производство на моторни возила 33.6%
Од друга страна за одбележување е падот на просечната плата кај еден од најпрофитабилните сектори телекомуникацискиот.
Статистиката во овој сектор мај лани во однос на мај 2021 забележал пад кај просечната плата од дури 30,7 проценти.
