Аналитика
Ашок Елусвами, директор на софтверот за автопилот на Тесла, за многу популарното видео на Тесла за неговиот систем за помош на возачот „Автопилот“ што „вози самостојно“ од 2016 година, пред суд во САД изјавил дека, Тесла возилото, всушност не се возело само од себе. Тоа значи дека видеото од 2016 година кое Tesla го користеше за да ја промовира својата технологија за самоуправување беше објавено за да покаже способности како запирање на црвено светло и забрзување на зелено светло кои системот всушност ги немаше.
Во своето депонирање на изјава за пред суд, Елусвами изјавил дека видеото со наслов „Целосен хардвер за самоуправување на сите Тесла возила“ има за цел да „прикаже како е можно да се изгради системот“, наместо што клиентите всушност би можеле да очекуваат системот да го направи.
Видеото, кое извршниот директор на Тесла, Илон Маск, го објави линк на Твитер со велејќи дека „Тесла сам вози“, покажува како Тесла вози и се паркира, избегнувајќи пречки и ги почитува црвените и зелените светла. Видеото започнува со насловна картичка на која пишува дека „лицето на возачкото седиште е таму само од правни причини“ и дека „не прави ништо. Автомобилот вози сам“.
Но, според Елусвами, демонстрацијата беше „специфична за некоја однапред одредена рута“, во споредба со производствената верзија на технологијата што само се потпираше на влезот од камерите и сензорите. „Користеше дополнителни претходно мапирани информации за возење“, рече тој, откако им кажа на адвокатите дека рутата по автомобилот претходно била 3Д мапирана. Во времето кога се снимаше видеото, Елусвами беше инженер во тимот кој помогна со видеото.
Со други зборови, Автопилотот на Тесла, всушност, не бил способен за динамично планирање на маршрутата, наместо тоа бараше од инженерите на компанијата да ја мапираат маршрутата што би ја поминала за потребите на промотивното видео.
„Њујорк тајмс“ претходно го објави премапирањето, посочувајќи дека потрошувачите што го користат системот нема да го имаат тој луксуз, но сега, го имаме на запис од официјален претставник на Тесла. Депонирањето на изјавата на главниот за Автопилот на Тесла автомобилите е преземено како дел од тужбата поднесена од семејството на Веи „Валтер“ Хуанг, кој почина во 2018 година кога неговиот Model X со вклучен автоматски пилот удри во бариера на автопатот.
Елусвами, исто така, рече дека верзијата на Autopilot што беше достапна кога беше произведено видеото „немаше можност за ракување при ситуација со семафор“, и покрај тоа што беше прикажана во видеото. Она што не е јасно е како точно е направено видеото; Елусвами вели дека не се сеќава дали лицето на возачкото седиште контролирало какво било забрзување или сопирање или дали автомобилот го направил тоа. Исто така, не е јасно дали автомобилот користел софтвер способен да препознава сообраќајни сигнали.
Ова признание не е единствениот дел од поднесокот на Елусвами што предизвикува загриженост. Махмуд Хикмет, шеф за истражување и развој во Ohmio Automation, истакна делови од транскриптот каде Елусвами изјавил дека не знае за основните безбедносни размислувања, како што е „Доменот за Оперативен Дизајн“, исто така познат како ODD. Фразата се однесува на ситуации, како географија или временски услови, во кои е дозволено да работи автономно возило. На пример, ако автономното возило е способно да вози само во одреден град во идеални временски услови, тогаш дождливиот ден во различен град би бил надвор од неговиот ODD.
Иако не би очекувале фразата да се појави во секојдневниот разговор или да се појави во маркетиншки материјали, тоа е дефинитивно нешто за што би очекувале да знае личноста која ја води програмата Автопилот. Здружението на автомобилски инженери (SAE), организацијата која стои зад нивоата на автономија на кои самиот Тесла се повикува, го нарекува ODD „клучот за безбедноста на автономните возила“, а Waymo направи цела студија која ги оценува перформансите на неговиот софтвер во одреден домен.
Изгледаше дека Маск покажа непочитување за размислувањето за ODD за време на појавувањето на подкаст со Лекс Фридман. Тој рече дека акронимот „звучи како ADD“(Attention Deficit Disorder- неуролошко заболување, н.з.), а потоа продолжи да одговори на прашањето за филозофијата зад широкиот опсег на ODD на Tesla (во споредба со другите системи како Super Cruise на GM, кој ќе работи само во одредени услови) велејќи дека е „прилично лудо“ да им дозволи на луѓето да возат автомобили наместо машини.
