Аналитика
Прилепска “Витаминка”, која се вбројува меѓу најдоминантните компании во домашната прехранбена индустрија, од ланските активности забележа позитивен финансиски резултат. Годината ја заврши со добивка од 29.804.023 денари, односно 483,5 илјади евра, што е претставува минус од 42,72 проценти споредено со ефектите остварени една година порано.
Вкупните минатогодишни приходи изнесуваат 3,956,843 илјади денари, односно 64,1 милион евра. Во овој дел има зголемување од 29 насто. Најголем придонес во структурата – со 98 отсто, имаат приходите остварени од продажбата на сопствените производи и услуги.
Исто така, раст од 29 проценти е регистриран и кај консолидираните вкупни расходи, кои во 2022 година се 3,986,717 илјади денари (64,6 милиони евра). Од „Витаминка“ посочуваат дека зголемувањето во овој сегмент е во корелација со оперативното работење.
Компанијата лани инвестирала речиси два милиони евра, односно 123,160 илјади денари. Вложувањата биле во опрема, недвижен имот, градежно адаптирање и во хартии од вредност.
Што се однесува до кредитните долгови, и тука има зголемување – за девет проценти. Врз база на долгорoчни и краткорочни кредити обврските на „Витаминка“ изнесуваат 1,647,111 илјади денари или 26,7 милиони евра
За успешно завршената деловна 2021, лани на акционерите им била исплатена дивиденда од 385,5 илјади евра (23.783.200 денари).
