Прилепска Пиварница задоволна, бележи добивка од 1,5 милиони евра

Прилепска Пиварница АД – Прилеп во работењето за период 01.01. до 31.12.2021 год. оствари приходи, расходи и позитивен финансиски резултат и истите ги искажа и објави во неревидиран Биланс на успех ( Извештај за сеопфатна добивка), а кој е составен дел од Финансиските извештаи за деловната 2021 год.

Во 2021 год. остварен е вкупен приход во износ од 1.725.068 ден. ( оперативни приходи 1.705.402 ден. и финансиски приходи 19.666 ден.) и истиот во споредба со остварениот во 2020 год. од 1.654.613 ден. ( оперативни приходи 1.635.998 ден. и финансиски приходи 18.615 ден.) има пораст односно поголемо остварување искажан со стапка од 104,2% (и тоа оперативните приходи остварени 104% и финансиските приходи со 106%). Во структурата на вкупниот приход најголемо учество има приходот од продажба на производи и стоки во земјата и странство од 1.666.205 ден. и во вкупниот приход учествува со 96,59%, а останатите приходи од 58.856 ден. учествуваат со 3,41%.

Остварени вкупни расходи ( во 000 ден.) Остварените вкупни расходи во 2021 год. ( вкупно признатите расходи) изнесуваат 1.629.682 ден. и во споредба со остварените вкупни признати расходи во 2020 год. од 1.564.493 ден. бележат зголемување и имаат реализација од 104,17%. Во зголемувањето на расходите поодделно по вредност и процент најмногу учествуваат следните расходи:

– потрошената енергија и материјали за енергија од 85.196 ден. и се со зголемување од 27,76%,

– потрошени резервни делови од 9.194 ден. со зголемување од 9,38%,

– трошоци за отпис на амбалажа, ситен инвентар и др. од 26.084 ден. со зголемување од 9,43%,

– транспортни услуги од 94.347 ден. со зголемување од 2,32%, услугите за одржување и заштита од 19.020 ден. со зголемување од 22,24%, како и трошоците за наемнина/лизинг од 34.724 ден. со зголемување од 7,80%,

– бруто платите во износ од 147.130 ден. се со зголемување од 0,26% што е во линија со остварените приходи во деловната година ( задржување на вредноста на платите и нивно зголемување во услови на остварени зголемени приходи) односно Прилепска пиварница АД ја остварува донесената стратегија колку што е можно помалку тековните проблеми во 2021 год. да се рефлектираат врз платите на вработените,

– надомест на трошоците на вработените од 13.663 ден. со зголемување од 16,10%, – расходите за рекламни и маркетинг услуги од 130.546 ден. се со значително зголемување споредено со лани и изнесува 64,33%, а трошоците за репрезентација, донации и спонзорства остварени во износ од 9.762 ден. со пораст од 81,05%. Зголемување на расходите во 2021 год. во однос на 2020 год. е забележливо, како што е погоре наведено, но кај дел од расходите постигнато е намалување на евидентираните вредности и тоа кај вредносното усогласување на краткорочните побарувања односно кај ненаплатените, спорните и сомнителни побарувања од претходни периоди во изниос од 5.146 ден. со забележливо намалување и во 2021 год. истото е реализирано со само 35,38%, а кај трошокот за кало, растур, расипување искажаниот износ од 3.189 ден. е реализиран со 50,77% споредено со лани.

Исплатени дивиденди ( во 000 ден.) Во 2021 год., а врз основа на донесената Одлука на Акционерското собрание на друштвото добивката по оданочување остварена по Годишната сметка за 2020 год. да се распредели за вложувања во нови инвестиции (реинвестирана добивка), не е вршена исплата на дивиденда. По основ на распределени дивиденди за претходните периоди, а неисплатени на акционерите, најчесто заради непотполни податоци доставени од акционерите, во текот на 2021 год. извршена е исплата на дивиденди за претходни години во вк. износ од 120 ден.

Инвестиции ( вложувања во недвижности, постројки,опрема) ( во 000 ден.) Во текот на 2021 год., како и во повеќе изминати години, Прилепска Пиварница АД Прилеп го продолжи позитивниот инвестициски циклус со значителни вложувања во недвижности, постројки и опрема и ставање во употреба средства со вкупна набавна вредност од 71.716 ден.

Обврски – кредитна задолженост ( во 000 ден.) Прилепска Пиварница АД Прилеп во текот на 2021 год., како и во изминатите години, финансирањето на редовните и инвестициските активности ги покрива од сопствени извори ( од тековни парични средства и од претходно заштедени парични средства) поради што во финансиските извештаи не е искажана никаква кредитна задолженост.

Планови – исполнувања/очекувања ( во 000 ден.) Прилепска Пиварница АД Прилеп планот за работење и постигнувањето на финансиски резултат за 2021 год., имајќи го во предвид отежнатото работење заради Ковид пандемијата, го оствари можеби не на значително високо, но сепак на задоволително ниво со остварена добивка пред оданочување во износ од 95.387 ден., а што е видно од објавените Финансиски извештаи.

За 2022 год. донесен е план за работење на Друштвото во реални и остварливи рамки и поставени се цели за остварување на позитивни финансиски резултати, а во донесениот план првата половина од 2022 год. е во целост во корелација со начинот на работењето и условите за работење во деловната 2021 год. и влијанието на Ковид пандемијата, додека за втората половина од годината планирано е релативно помал удел на наведеното влијание, што значи дека е планирана и се очекува остварување на најмалку иста или поголема добивка за деловната 2022 год. во споредба со 2021 год.