Аналитика
Добитниците на Годишната награда за млади истражувачи за 2024 година, ќе ги презентираат своите трудови на 51. сесија на Клубот на истражувачите, која ќе се одржи во четврток на 27 јуни, информираат од Народната банка.
Првонаградениот Никита Ристовски ќе го претстави својот труд „Економски раст поттикнат од интеграцијата: Случајот на интеграцијата на Северна Македонија во Европската унија“. Стефан Таневски како второнаграден ќе го презентира трудот „Монетарната политика и каналите на цените на средствата во контекст на регионализацијата на берзите во земјите на поранешна Југославија“.
Настанот ќе се одржи во просториите на Народната банка, со почеток во 14 часот .
Сесиите на Клубот на истражувачите се од отворен карактер и интерес за присуство може да се изрази преку достава на електронска пошта на opstiinfo@nbrm.mk.
На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија. Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата.
Зачленувањето во Клубот на истражувачите е од отворен карактер, информираат од Народната банка.
