Аналитика
Регулаторната комисија за енергетика денеска ќе ја ревидира цената на горивата кај нас согласно практиките секој понеделник да се врши нејзино усогласување со движењата на цената на суровата нафта на светските берзи.
Ако се земе во предвид дека деновиве имаше поскапување на суровата нафта за над 3 птоценти тогаш очекувано е корекцијата на цената на еуросупер 98 и 95 како и на дизелот да оди нагоре.
Цените на суровата нафта пораснаа за над 3,0 проценти, по одлуката на Организацијата на земјите извознички на нафта и нејзините сојузници (ОПЕК +), до јули постепено да го зголемуваат производството за нешто повеќе од два милиони барели на ден.
Цената на северноморската сурова брент „Брент” порасна за 3,38 проценти на 64,86 долари за барел, додека американскиот „WTI” порасна за 3,87 проценти на 61,45 долари за барели во азиското тргување до 8:40 часот по средноевропско време.
Групата ОПЕК деновиве постигна договор за олеснување на ограничувањата за пумпање, односно за зголемување на производството за 350.000 барели дневно во мај, за уште 350.000 барели во јуни и за околу 400.000 барели во јули.
Ова значи дека ограничувањето на производството на „црното злато”, кое ОПЕК + во моментов го спроведува, од мај ќе се сведе на количина малку над 6,5 милиони барели дневно, во споредба со малку помалку од седум милиони барели во април.
Претходната недела, пак регулаторите ја корегираа цената на нафтените деривати кај нас за денар до денар и половина помалку.
