Аналитика
Последните преговори за наоѓање купувач пропаднаа и затоа фабриката на Audi во Брисел, Белгија, ќе биде затворена на 28 февруари 2025 година. Ова го означува крајот на ерата во Белгија која започна пред 75 години, кога првото возило излета од производната лента во Брисел.
Потврдата доаѓа од Питер Д’Хур, портпарол на германскиот производител на автомобили, кој вчера повтори дека не е пронајдена алтернатива за затворање на фабриката.
Во веста објавена од Ројтерс се додава и коментар од шефот на производство на Audi, Герд Вокер: „Одлуката за затворање на фабриката во Брисел е болна. Лично, тоа беше најтешкиот избор што некогаш сум морал да го направам во мојата професионална кариера“.
За неколку месеци, производството во белгиската фабрика на Audi Q8 e-tron, електричниот SUV роден во 2019 година едноставно со името „e-tron“ и кој засега нема наследник, затоа ќе биде прекинат.
За да се види нов SUV на Audi на батерии со слични димензии и карактеристики на Q8 e-tron ќе треба да се почека барем до крајот на 2026 година, кога би можел да биде претставен нов електричен модел за производство во Мексико.
Затворањето на фабриката на Ауди во малото гратче Форест е последица на низа одлуки кои ја наведоа германската марка да ја отпушти фабриката и да бара купувач кој никогаш не бил пронајден.
Само пред неколку месеци Audi зборуваше за преговори со друг производител со намера да инвестира во производствената локација во близина на Брисел, додека белгиските медиуми објавија за интерес на кинеската компанија Nio за истата фабрика. Но, самиот извршен директор на Nio, Вилијам Ли, подоцна ја демантираше веста.
Германските медиуми јавуваат дека шестите и последни преговори меѓу работниците и раководството за социјалниот план ескалирале, а позициите меѓу работодавците и претставниците на вработените се заострија и очигледно веќе не е можен договор.
„Ауди беше подготвен на компромис до крај. За жал, социјалните партнери ја одбија нашата последна, дури и подобрена понуда. Затоа сега се подготвуваме директно да им пристапиме на вработените со понудата“, изјави директорот на продукцијата Герд Вокер.
Еден проблем што треба да се реши ќе биде проблемот на речиси 3.000 вработени во „Ауди Брисел“ кои ќе останат без работа од следниот март. Преговорите меѓу Audi и синдикатите се чини дека пропаднаа и сега германскиот производител е подготвен да ги претстави своите предлози за законски отпуштања и доброволни бонуси врз основа на стаж директно на работниците.
Како пример, Д’Хур објасни дека работник со 17 години работен стаж во фабриката на Audi ќе добие помеѓу 125.000 и 190.000 евра бруто (вклучувајќи го доброволниот бонус на Audi и законската плата за отпуштање), во зависност од позицијата и платата.
Покрај законските отпремнини, филијалата нуди и свој, доброволен бонус на компанијата, кој зависи од стажот на поединецот, што според нив е „многу фер понуда“.
За претставниците на белгиските вработени оваа понуда била несоодветна.
Пред да го преземе „Audi AG“ во 2007 година, локацијата и припаѓаше на матичната компанија Volkswagen од 1970 година и таму беа изградени неколку популарни серии на модели, како што се Golf, Polo, Audi A1 и A3.
(Фото: УК Мотор)
