Приходите на „Пепси Ко“ опаѓаат, пандемијата ја погоди продажбата на пијалоци

Глобалната компанија „Пепси Ко“ објави пад на кварталните приходи од продажбата на пијалоци за 3%. Падот се должи на тоа што помалку потрошувачи ги купувале нивните пијалоци во рестораните или продавниците, како последица на пандемијата на корона вирусот.

Од друга страна силен раст бележат производите со храна „Cheetos“ и овесните каши под капа на оваа компанија.

Главниот извршен директор Рамон Лагуарта ги унапредил инвестициите на Пепси и особено вложувал во развој на својата деловна е-трговија.

Компанијата во иднина планира да ги искористи научените лекциите од пандемијата, особено имплементирање на нови трендови на потрошувачите и заживување на заборавените навики, со цел да го придвижи бизнисот напред.

Тој вели дека неизвесноста од континуираната нестабилност со пандемијата, ќе мора да создаде нови навики во деловното работење.

Компанијата потрошила скоро 400 милиони американски долари за трошоци поврзани со пандемијата, вклучувајќи и лична заштитна опрема за вработените.

Лагуарта соопштил дека компанијата евидентирала знаци на подобрување во мај и јуни, бидејќи многу економии почнале повторно да се отвораат и потрошувачите продолжиле со некои од претходните навики. Но, „Пепси Ко“ се надева дека ќе ги задржи новите навики на некои потрошувачи, како што е нарачката преку интернет.