Пензиите просечно повисоки за 185 денари и ќе се исплаќаат од 26 јануари

На 26-ти јануари ќе започне исплата на пензиите за месец јануари.

Согласно законското усогласување што се врши според движењето на индексот на трошоците на животот ќе бидат повисоки и тоа најниските пензии за 134 денари, а просечната пензија ќе биде повисока за 185 денари.

Пензионерите кои пензијата ја подигаат преку мрежата на банкомати и во трговската мрежа таа ќе им биде достапна од 26.01.2021 година.

Како и до сега, пензиите за граѓаните кои не користат картички ќе бидат исплатени во четири групи според следниот распоред согласно висината на пензијата:

За пензии со висина до 11.000 денари, исплата да се изврши на 26.01.2021 година (вторник),

за пензии со висина 11.001 – 14.000 денари, исплата да се изврши на 27.01.2021 година (среда),

за пензии со висина 14.001 – 18.000 денари, исплата да се изврши на 28.01.2021 година (четврток),

и за пензии со висина над 18.001 денари, исплата да се изврши на 29.01.2021 година (петок).

Согласно последните статистички податоци за месец Ноември, вкупниот број на пензионери се зголемил на 324.592 лица.

Најнизок износ на пензија земале 77.589 пензионери, од кои 59.770 пензионери за остварено право од 01.01.2002 година до денешен датум. Останатите 17.819 се за оставрено право до 1996 и за периодот 1997 – 2002 година. Најнискиот износ на пензија за најголемата група на корисници на ова право се движи од 10.240 денари до 11.427 денари, во зависност од групата на која што припаѓаат.