Аналитика
Позитивни се финансиските резултати што „Пекабеско“ АД ги остварил од јануари до март годинава. Работните активности обезбедиле нето добивка по оданочување од 17,563 илјада денари или противвредност на 285,2 илјади евра, која е повисока од минатогодишната – 257,4 илјади евра (15,854 илјади денари) остварена во истиот период.
Приходите од работењето се во вкупен износ од 1.166 милиони денари или 18,9 милиони евра и во споредба со истиот период лани бележат еднопроцентно зголемување. Со 99 отсто, во структурата на приходите преовладува продажбата на готови производи, стоки и услуги. Притоа, пласманот на домашниот пазар донел 16,3 милион и евра (1,006,666 илјада денари), на странскиот – 2,4 милиони евра (149,755 илјади денари).
Остварените вкупни консолидирани расходи изнесуваат 18,8 милиони евра (1.160 милиони денари). Во однос на споредбениот период се повисоки за два насто.
Во овој тримесечен период има инвестиции во производствена и канцелариска опрема, за што се искористени 308,5 илјади евра (19 милиони денари).
Вработеноста е за девет проценти пониска од минатата година и на 31 март „Пекабеско“ функционирал со 438 вработени.
