Аналитика
Рафинеријата Окта ќе подели дивиденда. Акционерите на 27 мај ќе гласат за предлогот за исплата на дивиденда од 73 денари за акција, објави компанијата на Македонската берза.
Секој акционер за секоја своја акција ќе добие нето износ од 65,7 денари за акција по пресметувањето на 10 отсто персонален данок од доход.
14 јуни годинава ќе биде последен ден со право на исплата на дивиденда. Двидендата на акционерите ќе им биде исплатена на 26 јули годинава.
Дивидендата на акционерите ќе им биде исплатена од акумулираните добивки на рафинеријата во износ од 19,1 милиони евра. Од тие пари ќе се покрие акумулираната загуба за лани која изнесува 8,46 милиони евра, а од останатите 10,64 милиони евра, се предлага еден милион евра да се додели како дивиденда на акционерите.
ОКТА има повеќе од 1.340 акционери.
