Оглас за вработување во УНИБанка АД Скопје

УНИБанка АД Скопје објавува Оглас за вработување на 1 (еден) извршител на следнава работна позиција:

Раководител на Експозитура – Скопје

Кандидатот потребно е да ги има следните квaлификации:

• Високо стручно образование;
• Работно искуство од најмалку 3 години – банки и финансиски институции ќе имаат приоритет во изборот;
• Одлично познавање на пазарните прилики;
• Познавање на англиски јазик;
• Одлично познавање на Microsoft Office;
• Возачка дозвола Б категорија.

Избраниот кандидат треба да поседува:

• Менаџерски и лидерски способности;
• Силни преговарачки способности и страст за продажба и работа со клиенти;
• Подготвеност за преземање одговорност и иницијатива и способност за брзо реагирање;
• Висок личен интегритет, деловен и професионален однос;
• Комуникациски, организациски и аналитички вештини, ориентираност кон резултати, способност за тимска работа;
• Способност за самостојно носење одлуки и расчистување на проблематични ситуации;
• Висока мотивираност за остварување на зададените цели;
• Да извршува сложени работни активности во кратки временски рокови, а по потреба со продолжено работно време.

Од кандидатот се очeкува:

• Да ја организира, координира, раководи, контролира и дава иницијативи за унапредување на работата во експозитурата;
• Да се грижи и предлага можности за зголемување на профитот во експозитурата каде што е претпоставен;
• Одговара за генерирање на побарувачка за кредити и одржување на тековното кредитно портфолио, како и за успешна дистрибуција на останатите банкарски производи и услуги;
• Активно учествува во аквизиција на клиенти, иницира состаноци со клиенти и гради продажна и претприемачка култура во експозитурата и придонесува во носењето на квалитетни кредитни одлуки;
• Ја претставува експозитурата на позитивен и професионален начин на локално ниво и е одговорен за локалниот имиџ на Банката;
• Одговара за исполнувањето на бизнис целите и финансиските резултати на работењето на експозитурата.

Заинтересираните кандидати кои ги исполнуваат наведените услови, потребно е да испратат кратка биографија на македонски јазик и мотивационо писмо на [email protected], или на адреса: Максим Горки бр. 6, 1000 Скопје,  најдоцна до 05.12.2020 година.