ОДЛИЧЕН ПРВ КВАРТАЛ ЗА БАНКИТЕ: Стопанска заработи 11 милиони евра, Комерцијална 8,5 милиони

Одличен прв квартал за банките во Македонија. Стопанска банка оствари профит во првите три месеци од дури 11 милиони евра. Комерцијална банка заработи 8,5 милиони евра. Добивката пред оданочување за Стопанска банка е повисока за 30 проценти во однос на прв квартал 2021-ва. Комерцијална банка, пак успеала да оствари резулати што претставуваат зголемување за 45,1 процент во однос на првото тримесечие лани.

КОМЕРЦИЈАЛНА БАНКА

• Комерцијална банка АД Скопје во периодот од 01.01-31.03.2022 година од своето работење оствари позитивен финансиски резултат во износ од 522,6 милиони денари
• Планираната бруто-добивка за првиот квартал од годинава е остварена со 89%.  Зголемувањето на добивката пред исправка на вредност главно произлегува од зголемувањето на приходите од редовно работење (нето-приходите од камата и нето-приходите од провизии и надомести)
• Вкупните приходи од работењето изнесуваат 1.124 милиони денари
• Нето-приходите од камата претставуваат основна компонента во формирањето на вкупните приходи од работењето и на 31.03.2022 година истите бележат зголемување од 9,6% во однос на истиот период од минатата година
• Нето приходите од провизии и надоместоци на 31.03.2022 година изнесуваат 250,8 милиони денари
• Нето приходите од курсни разлики на 31.03.2022 година изнесуваат 57,3 милиони денари
• Останатите приходи од работењето на Банката на 31.03.2022 година изнесуваат 186,9 милиони денари и бележат намалување од 0,4%
• Оперативните расходи за периодот 01.01-31.03.2022 година изнесуваат 471,5 милиони денари и во однос на истиот период од минатата година се зголемени за 15,6%
• Во периодот од 01.01-31.03.2022 година Банката прокнижи загуба поради оштетување на нефинансиските средства на нето основа во износ од 1,1 милион денари.

СТОПАНСКА БАНКА

• Стопанска банка АД Скопје за периодот 01.01-31.03.2022 оствари добивка пред оданочување на износ од 736.443 илјади денари.
• Ова во најголем дел се должи на зголемени приходи по сите основи како резултат на зголемен обем на деловни активности и зголемено кредитно портофлио на Банката Нето-приходите од камати изнесуваат 991.553 илјади денари и се зголемени за 8% во однос на истиот период од минатата година, најмногу како резултат на зголемените кредитни активности
• Нето-приходите од провизии и надоместоци изнесуваат 214.243 илјади денари и се зголемени за 5% во однос на анализираниот период во 2021 година
• Нето-приходите од курсни разлики забележаа пораст од 40% и изнесуваат 41.712 илјади денари, како резултат на зголемениот обем на тргувања на девизниот и менувачкиот пазар.
• Останатите приходи од дејноста забележаа зголемување од 55% и изнесуваат 133.752 илјади денари.
• Оперативните трошоци од работењето останаа на релативно исто ниво и покрај зголемувањето на цените на скоро сите позиции, при што трошоците за вработени изнесуваат 227.120 илјади денари, додека оперативните трошоци изнесуваат 191.348 илјади денари.