Аналитика
Тутунопроизводителите, клиенти на Комерцијална банка АД Скопје, од понеделник (20.04.2020), од 16 до 23 часот, на банкоматите на Банката ќе можат да ги подигнат субвенциите што им ги исплати Владата за минатогодишната реколта. Од вторник, секој работен ден до 14:00 часот корисниците на субвенции за производство на тутун ќе може да ги подигнат парите и на шалтерите на Комерцијална банка.
Со цел да се избегнат гужви во експозитурите и филијалите на Банката, а со тоа и да се минимизираат ризиците по здравјето на клиентите и на вработените од Коронавирусот Covid-19, државната помош на тутунопроизводителите кои немаат дебитна картичка Комерцијална банка ќе им ја исплати по азбучен ред, според првата буква од презимето во периодот од 21 до 24 април.
– На 21.04.2020 (вторник) ќе се исплаќаат клиенти со презиме на буквите од А до Д
– На 22.04.2020 (среда) ќе се исплаќаат клиенти со презиме на буквите од Ѓ до К
– На 23.04.2020 (четврток) ќе се исплаќаат клиенти со презиме на буквите од Л до Р
– На 24.04.2020 (петок) ќе се исплаќаат клиенти со презиме на буквите од С до Ш
Комерцијална банка aпелира до клиентите кои поседуваат дебитна картичка да ги избегнуваат шалтерите и да ги користат банкоматите за подигање на парите, како и електронското и мобилното банкарство за располагање со нив, кои им овозможуваат бесплатни трансакции 24/7. На тој начин ќе го заштитат сопственото и здравјето на другите граѓани.
