Аналитика
Аутомакедонија пред почетокот на школската година ја реконструираше фасадата во училиштето, а сега истата дополнително ја разубави со мурал
Аутомакедонија, водечката компанија за услуги поврзани со мобилитет и еден од најголемите дистрибутери на автомобили во Македонија, продолжува со своите иницијативи во поддршка на разновидни општествено одговорни проекти. А овој чекор додатно ја потврдува нејзината ангажираност како општествено одговорна компанија.
По донацијата за изградба на енергетско ефикасна фасада во ООУ „Стив Наумов“ во населбата Автокоманда, Аутомакедонија го разубави овој проект со еден значаен мурал. Покрај тоа што учениците и вработените во училиштето добија подобри услови за едукација и работа, со овој проект учениците беа поттикнати да размислуваат на темата „Среќно детство во мојот зелен град“ и подготвија цртежи заедно со своите учителки како одговор на задачата. Избраниот цртеж е пренесен на новата фасада како мурал кој ќе ги потсетува учениците на позитивните вредности.
„Целиот проект го водевме неколку месеци, реконструкцијата како и сликање на муралот. Чест ни е што креираме дела кои влијаат на нашата заедница, секако во договор со општината Гази Баба и училиштето.“ – изјавуваат од Аутомакедонија.
Во минатите неколку месеци со реновирање на оваа фасада се постигна зголемување на енергетската ефикасност за минимално 20%, со кое се намалуваат вкупните трошоци за енергија во училиштето. Додека муралот и цртежите од учениците поттикнуваат размислување за еко-вредностите во денешното општество.
Оваа фасада и муралот се само дел од проектите кои Аутомакедонија како општествено одговорна компанија ги спроведува во рамки на својата стратешка определба за поддршка на енергетската ефикасност и обновливите извори на енергија, воедно и сфаќање на еколошките вредности кај помалите генерации кои ја имаат моќта која им ја носи иднината.
Комерцијален текст
