Од 2.766 нетрговски пренесени акции – 1.110 се од „Алкалоид“

Акциите 2.766 на број, издадени од десет компании и една банка минале минатата недела низ процесот на нетрговски трансфер. Ударни биле првиот и последниот ден од работната седмица, со 1.100 и 1.257 акции кои на овој начин ја промениле сопственоста, покажуваат податоците од Централниот депозитар за хартии од вредност, објавени на Македонска берза.

Најголем број од обичните акции се на скопски „Алкалоид“. Се работи за 1.110 хартии од вредност пренесени во три наврати – 239, па 395 и 476.

По бројноста – 814, тука се и обичните акции емитувани од „Гранит“.

Комерцијална е единствената банка меѓу компаниите чии акции имале нетрговски трансфер. На двапати се пренесени вкупно 12 акции, пет, па седум.

Трицифрени се бројките забележани кај преносите на акциите од „Македонски Телеком“ – 330 и од „Оранжерии Хамзали“ АД Струмица – 198.

Во текот на неделата по овој пат се пренесени и 47 обични акции на тетовски „Интерпромет“ и девет на прилепска „Витаминка“.

Во петокот, пак, кога во овој сегмент е забележана и најголема активност, покрај третата рунда на акциите од „Алкалоид“, низ нетрговски трансфер минале и: 74 обични акции на „Кланица со ладилник“, 20 на „Макпетрол“, 79 на „Раде Кончар – Апаратна техника“ и 73 издадени од „Окта“.