Аналитика
Во нетрговските трансфери минатата недела се забележани 2.567 обични акции издадени од 13 компании. Ударен ден за оваа активност бил четвртокот со 1.087, а најслаб петокот со десет акции. Овојпат преносите минале без ниедна банкарска акција.
Почетокот и крајот на работната седмица се во знакот на „Алкалоид“, покажуваат податоците од Централниот депозитар за хартии од вредност, што ги објавува Македонска берза. Се работи за вкупно 127 акции – 117 трансферирани во понеделник и потоа 10 во петок.
Во два наврати се вршел нетрговски трансфер на акците од уште три компании. Таков е случајот со „Гранит“: вкупно се 1.057 хартии од вредност, првиот пат 500, вториот 557 обични акции. Подарени или наследени се 79 акции на „Макпетрол“ – 40, па 39 обични акции. И 14 на РЖ „Техничка контрола“ – прво две, а потоа 12 обични акции.
По бројност предничат акците на „Гранит“. Гледано по таа линија, тука некаде се и пренесените 691 обична акција на „Макстил“. Прагот од сто го имаат минато и 254 акции на РЖ „Услуги“ АД и 127 на „Либерти“ АД Скопје.
Нетрговски пренос е направен и кај 76 обични акции на „АрцелорМиттал“ (ХРМ) и на 50 обични акции емитувани од „Димко Митрев“ АД Велес.
Во минатонеделната статистика на нетрговските трансфери се и по четири акции издадени од РЖ „Економика“, „Уготур“ и од РЖ „Интер-Трансшпед“.
КОИ СЕ ПЕТТЕ АКЦИИ ШТО ПРАВАТ 57 проценти од берзанскиот промет?
