Аналитика
,,Продолжува кратењето и неспроведувањето на потребни проекти кои ќе ја поправат многу лошата состојба со животната средина и енергетиката. Минатата недела во Собранието се изгласа прераспределба на средства помеѓу буџетските корисници предвидени за оваа година. Од средствата наменети за намалено загадување на воздухот, водите, почвите, за соодветно третирање на отпадот, тргнати се 15,5 милиони евра, а зголемени се за 1.9 милиони евра, каде дел е наменет за комуналии. Нето намалувањето е од 13.5 милиони евра”, алармираат од ,,О2 Иницијатива“.Од иницијативата посочуваат дека за Намалување на аерозагадувањето, програма за која веќе никој не зборува, ко за ланскиот снег, како што велат, од предвидени 1.3 милион евра има намалување за цели 71%.%
Според О2 Иницијатива пари нема ниту за:
За Зелен развој, новововедена програма со ребалансот на буџетот во јули годинава, од предвидените 11.14 милиони евра има намалување за 100% на нула денари.
За Управување и заштита на води има нето намалување од 1.1 милион евра и намалување од 39% за капиталните расходи.
За Управување со отпад има намалување од 326 илјади евра и намалување од 65% за капиталните расход
Капиталните дотации до општините се намалени за 65 илјади евра
За да се намалат толку големи средства значи дека не се спровело предвиденото за намалување на аерозагадувањето, дивите депонии, заштита на водите и животната средина, енергетската ефикасност, енергетската независност и обновливи извори на енергија, што е поразително.
Од друга страна, за купување на мебел има зголемување од 304 илјади евра,
за купување на возила зголемување од 126 илјада евра, за комуналии зголемување од 377 илјади евра, за политичките партии обезбедување на средства за подмирување на платено политичко рекламирање за Локалните избори 2021 година по сè изгледа зголемување од 97.6 илјади евра, за разни трансфери, каде може да спаѓа сè, дури 29. 5 милиони евра.
Редакција Пари
