Аналитика
Компанијата КЕМЕТ Електроникс Македонија (КЕМЕТ, компанија на ЈАГЕО групацијата) денеска ќе отвори нова производствена хала и ќе организира Семеен ден за вработените. КЕМЕТ Електроникс Македонија 12 години работи на производство на електронски компоненти во земјава. Лоцирана е во ТИРЗ Скопје 1. Има 294 вработени.
КЕМЕТ Електроникс во Македонија почна со првична инвестиција е 12 милиони евра со 200 вработувања, со најава дека ќе достигне до 25 милиони евра и 500 вработувања. Компанијата работи со добивка, при што 2021 година ја заврши со вкупни приходи од 948,6 милиони денари, што значи зголемување од 26,18 проценти во однос на 2020, како и 33,3 милиони чиста нето добивка.
Од лани компанијата почна со изградба на нов објект заради проширување на производствените капацитети, а се најавува дека ќе се отворат и дополнителни работни места.
Американската компанија Кемет е основана во 1919 година и е еден од лидерите на полето на новите технологии, особено накондензаторските технологии во индустријата, вклучувајќи проширен опсег на електромеханички уреди и решенија за електромагнетна компатибилност. Во сопственост на Кемет Електроникс се повеќе од 1.600 патенти и трговски марки ширум светот, а компанијата преку своите подружници произведува преку 50 милијарди компоненти годишно за преку 180.000 клиенти низ целиот свет од областа на транспортот, медицината, одбраната, воздухопловството, комуникациите и повеќе други индустрии.
На 15 јуни 2020 година, KEMET беше купен од Yageo Corporation (TAIEX: 2327). Комбинираната организација ќе биде централа на електронски пасивни компоненти со водечко портфолио на производи од полимер, тантал, керамика, филм и електролитски кондензатори, отпорници на чипови, заштита на кола, како и магнети, сензори, актуатори и индуктори кои се однесуваат на цела палета на крајни пазари.
Редакција Пари
