Г-дин Хари Костов влева нов оптимизам кај акционерите на Комерцијална Банка?!

Повторно нов охрабрувачки сигнал од првиот човек на најголемата банка.

По објавата дека Комерцијална Банка ќе ја почитува одлуката на Народната банка и ќе ја исплати дивидендата откако ќе престане ограничувањето од Централната банка голем дел од акционерите со разочарување ја примија веста.

Но, по оваа објава, втор пат годинава Г-дин Хари Костов, долгогодишен Главен извршен директор и Претседател на Управниот одбор на „Комерцијална банка“ влева оптимизам со тоа што докупи нови  500 акции со право на глас во банката што ја раководи повеќе од 20 години.

Г-дин Костов, првиот пат годинава купи 1000 акции во износ над 7 милиони денари, а овој пат тој вложи нешто над 3.7 милиони денари.

Дали овој потег дава цврст сигнал дека банката сепак ќе ја исплати дивидендата оваа година останува да видиме.

Во моментов вкупниот број на акции изнесува 2.279.067 обични акции со право на глас, а просечната вредност на една акција изнесува 7.825,95 денари.

Како одрабоите Комерцијална банка минатата годиа –  Од аспект на билансот на успех забележителни се следните движења:

• нето добивката на банката за 2020 година изнесува 31.4 милиони евра, што претставува пораст од 6% во однос на 2019 година, кога нето добивката изнесувала 29.6 милиони евра.
• Главниот сегмент за ваквите резултати се приходите од камати кои во апсолутен износ се пониски од предходната година, меѓутоа со оглед на помалите каматните расходи, нето приходите од камати во 2020 година се во износ од 39.2 милиони евра, што претставува минимален пораст во однос на 2019 година.
• Втората по големина ставка во приходите на банката се провизиите и надоместоците. Истите, на нето основа, бележат пад во однос на 2019 година и заклучно со 31.12.2020 на контото се прокнижени во износ од 15.5 милиони евра.
• Најголем пораст е остварен кај ставката останати приходи од дејноста каде Комерцијална банка бележи 29.3 милиони евра, што е за 2.2 пати повисок износ во споредба со остварувањата од 2019 година, кога беа прокнижени 13 милиони евра. Со тоа оваа ставка е скоро дупло повисока од приходите од провизии и надоместоци, ситуација која во 2019 имаше сосема поинаков тек и разликата помеѓу двете категории изнесуваше 3.1 милион евра во корист на провизиите и надоместоците.
• 2020 година Комерцијална банка била “подарежлива” кон своите вработени изразено преку вкупните трошоци за вработените. Контото се затвори со салдо од 16.7 милиони евра, што претставува пораст од 700.000 евра, во однос на 2019 година.

Прочитај и: Анализа- Сите заедно тежат над 9 милијарди евра. Кои се најбогатите македонски банки за 2020?