Аналитика
Норвешкиот министер за надворешни работи Аникен Хуитфелд рече дека Норвешка ќе остане сигурен снабдувач на нафта и природен гас на европскиот пазар.
„Норвешка ќе продолжи да биде сигурен снабдувач на нафта и гас на европскиот пазар. Во исто време, војната во Украина може да ја забрза зелената транзиција во Европа. Норвешка е подготвена да придонесе со своето искуство и експертиза“, истакна Хуитфелд, а пренесува агенцијата Бета, повикувајќи се на турската агенција Анадолија.
Таа изјави дека војната ја навела Европската унија што поскоро да спроведе специјални мерки за намалување на зависноста од руската енергија и оцени дека тоа е позитивно.
Витфелт додаде дека Норвешка е подготвена да обезбеди дополнителни средства за финансиска и хуманитарна помош и за обнова на Украина.
Да потсетиме, експертите предупредија дека Европа ризикува да остане без резервите на природен гас во екот на зимската побарувачка доколку целосно запре снабдувањето на Русија преку гасоводот Северен тек 1. Во најлош случај, ако гасоводот биде целосно затворен, Европа нема да може да ги достигне нивоата на складирање планирани од Европската унија.
Во потегот што ги потресе енергетските пазари и поттикна нови поскапувања, рускиот гасен гигант Газпром во последните денови ја намали испораката на гас за клиентите во Италија, Германија, Франција и Австрија.
Извозот е намален за околу 60 отсто, а оттогаш цената на бензинот е зголемена за околу 25 отсто.
