Аналитика
Со цел поголема заштита и безбедност при вршење на интернет трансакциите НЛБ Банка целосно го имплементира 3DS протоколот (двете достапни верзии).
Овој протокол овозможува автентикација на корисниците при интернет плаќањата со картички од брендовите MasterCard и Visa издадени од НЛБ Банка.
-Со воведување на овој протокол, отсега при вршење на интернет трансакции, преку смс порака ќе биде дистрибуирана еднократна лозинка (OTP) на вашиот телефонски број. Штом ја добиете смс пораката, потребно ќе биде да ја внесете добиената еднократна лозинка во означеното поле за внес, со што се потврдува автентичноста на корисникот, појаснуваат од банката.
За да можете успешно да ја извршите интернет трансакцијата потребно е да имате пријавено валиден мобилен телефонски број во Банката.
Доколку имате измена на телефонскиот број, истиот потребно e да го ажурирате во најблиската експозитура на НЛБ Банка, или преку мобилното банкарство НЛБ мКлик.
