Нетрговски пренесени акции на 15 компании, најмногу на „Либерти“

Во скратената работна недела 3.850 акции од 15 компании патот до новите сопственици го минале преку нетрговски трансфери. Ударни денови за оваа активност биле вторникот со 1.696 и четвртокот со 1.627 акции, при што има преклопување во преносот на хартиите од вредност издадени од седум компании. Сите се обични акции.

„Либерти“ е компанијата чии акции, вкупно 1.427, се најбројни во нетрговските трансфери. Пренос е извршен на двапати, 640 во вторник и 787 акции во четврток.

Во текот на тие два работни дена трансферирани се и 856 акции на „АрцелорМиттал“ (ХРМ) – 384 и  472; на „Гранит“ – 250 и 131; на РЖ „Услуги“ – 162 и 200; на „Уготур“ 21 и 26; на РЖ „Интер-Трансшпед“ – 20 и 24; на РЖ „Економика“ – 19 и 23; како и на РЖ „Техничка контрола“ – 8 и 10 акции.

Податоците од Централниот депозитар за хартии од вредност, објавени на Македонска берза, покажуваат дека предмет на нетрговски трансфер биле и 442 обични акции издадени од „Макстил“. Понатаму, акции на винарската визба „Тиквеш“ – 68 на број, па на битолски „Транскоп“ – 53, Цементарница „Усје“ – 50, „Дебарски бањи Цапа“ – 31, ГД „Тиквеш“ – 25 и на „Алкалоид“ четири обични акции.