Аналитика
Акциите, се чини, не беа прв избор за новогодишен подарок. Тоа се огледува од официјалните податоци за извршените нетрговски трансфери во последната работна недела од годината што измина. Од 25 до 29 декември пренесена е сопственоста на 521 обична и на една приоритетна акција, издадени од пет компании и две банки.
На двапати во текот на еуфоричната седмица извршен е нетрговски трансфер на акциите од „Македонски телеком“, во понеделникот 380 и во вторникот уште 200.
Според податоците од Централниот депозитар за хартии од вредност, објавени на Македонска берза, најголемиот број од акциите – 444, се трансферирани во понеделникот. Понатаму, бројките опаѓаат.
Така, на овој начин сопственоста е променета на 64 обични акции од „Макпетрол“, на 48 од кавадаречката винарија „Тиквеш“, 207 од Македонија осигурување АД Скопје – Виена Иншуренс Груп и на една обична акција емитувана од „Кланица со ладилник“ АД Струмица.
Исто така, предмет на нетрговски пренос биле и 65 обични акции на Комерцијална банка. Како и една приоритетна акција на скопската Стопанска банка, која е и единствената забележана на последниот работен ден од 2023.
