Аналитика
За литар еуродизел во Црна Гора треба да се одвојат 1,28 евра. Во Албанија и Србија може да се купи за 1,49 евра, а во Хрватска за 1,47 евра. Литар исто гориво во Босна и Херцеговина чини 1,19 евра, додека во Македонија може да се купи за само 1,1 евро, што е најниска цена во Европа. Најскап еуродизел плаќаат граѓаните на Шведска по две евра за литар.
Литар Еуросупер 95 во Црна Гора чини 1,42 евра, а исто толку и за Србија. Во Албанија е евро и пол, а во Хрватска 1,49 евра. Во Босна и Херцеговина чини 1,21 евро, а во Македонија 1,22 евра. Веќе неколку недели поевтино е да се купи овој енергенс во Словенија отколку во Црна Гора – овој пат за 1,33 евра. Најевтин еуросупер плаќаат граѓаните на Бугарија и тоа само 1,19 евра, додека најскап плаќаат граѓаните на Холандија – 1,98 евра, објави банкар.ме
Горивата во Црна Гора поскапеа дури 15 пати во текот на 2021 година, па цената на бензините на 26 октомври достигна евро и пол, односно 1,46 евра. Историскиот максимум за Еуросупер 95 е забележан на 11 септември 2012 година, кога чинел 1,5 евра, што е рекордна сума од почетокот на таа година до денес. Од друга страна, овој тип на бензин беше најевтин на 23 февруари 2016 година и на 8 мај 2020 година – само 98 центи за литар. Еуродизелот беше најскап на 28 јуни и чинеше 1,38 евра, а најевтин на 25 јануари 2016 година од 82 центи за литар.
