Аналитика
Сè е подготвено, или речиси подготвено, за Зимските олимписки игри во 2026 година во Милано и Кортина д’Ампецо во северна Италија, каде настаните започнуваат на 4 февруари. Ова е трет пат Италија да биде домаќин на зимското натпреварување, по Игрите во Кортина д’Ампецо во 1956 година и Игрите во Торино во 2006 година. (Рим беше домаќин на Летните олимписки игри во 1960 година.)
Ќе има 116 натпревари за медали за 16-те спортови закажани за овој олимписки настан. Овие Зимски Олимписки Игри ќе бидат домаќини и на најмногу држави-учеснички во историјата, дури 93 (претходните бројки се вртеа околу 90 држави), што е значително зголемување од оригиналните 16, колку што учествувале на првите официјално одржани Зимски Игри, во 1924 година.
Спортисти од целиот свет пристигнуваат во Милано и Кортина д’Ампецо, Италија, за Зимските олимписки игри 2026. Сепак, на самиот старт на Игрите, да потсетиме кои земји досега биле на листата со најмногу освоени олимписки медали.
Иако можеби некој би очекувал дека е поинаку, Норвешка на овие Зимски Олимписки Игри влегува како најодликувана нација во историјата на Зимските игри. Оваа нордиска земја е на врвот, водејќи ги сите земји и по вкупен број медали, 405, како и по вкупно освоените највредни, златни медали – 148.
Норвешка е неприкосновена во неколку зимски спортови, или пак гравитира околу самиот врв. Таа води во крос-кантри скијање, биатлон, алпско скијање и брзо лизгање, меѓу другите спортови.
Соединетите Американски Држави се рангираат на второто место на табелата со медали на Зимските олимписки игри на сите времиња, со вкупно 330 медали, вклучувајќи 114 златни. Германија има трет највисок број, со 267. Оваа година, тимот на САД за уметничко лизгање, предводен од Илија Малинин, кој е единствениот лизгач што ја завршил четирикратната оска во натпреварот, очекува да доминира на лизгалиштето.
Бидејќи Советскиот Сојуз повеќе не постои, медалите освоени под тоа знаме се бројат одделно и не се автоматски кредитираат на Русија или на другите држави наследнички. Русија продолжи да произведува врвни спортисти, но нејзиниот неодамнешен олимписки рекорд е комплициран поради случаи на допинг и поврзани санкции, вклучително и ограничувања за натпреварување под руското знаме.
Советскиот Сојуз имаше 194 медали на Зимските олимписки игри пред неговото распаѓање, што сè уште е на четвртото место на табелата со медали на Зимските олимписки игри. По Советскиот Сојуз, се Канада, Австрија, Шведска, Швајцарија, Холандија и Русија. Постојат различни извештаи за рангирањето на Холандија, Финска и Русија.
Околу 90 земји обично се натпреваруваат на Зимските олимписки игри, приближно половина од бројот на земји што учествуваат на Летните олимписки игри.
Откако ќе започнат Игрите на почетокот на февруари, натпреварувањето ќе трае до 22 февруари.
Проценетиот буџет за Зимските олимписки игри во 2026 година е над 3,5 милијарди долари. Некои извештаи сугерираат дека ќе има економски поттик од приближно 5 милијарди евра како резултат на Игрите, на пример, преку туризам и надградби на инфраструктурата. Таа бројка останува проценка.
Останува да се види дали и овие Олимписки Игри ќе страдаат од синдромот на таканаречените „Бели слонови“ – концептот според кој скапите стадиони и објекти изградени за потребите на Олимписките Игри честопати не одговарраат на реалните потреби на земјата домаќин по завршетокот на Олимпијадите, па со текот на времето стануваат неискористени. Прашањето дали воопшто вреди да се организираат Олимписки игри е поставено и претходно, но можеби ова е годината кога се смета за соодветно конечно да се реши тоа прашање.
Во саботата, стотици демонстранти се собраа во Милано за да протестираат против распоредувањето на агенти на американската агенција за емиграција ICE за време на Зимските олимписки игри.
(Фото: arhiva, s.yume)
