Аналитика
Текстилната фабрика за производство на облека Мода Свети Николе која спаѓа во десетте најголеми компании по приходи во земјава и која е најголема по број на врботени, ќе отпушта работници. Фабриката вработува 503 работници.
Според финансиските резултати на текстилната фабрика во првите шест месеци годинава компанијата остварила полоши резултати од минатата година. Остварен е извоз во вредност од 987.000 ЕУР и е за 29% помал од истиот период во 2020 година.
-Остварените пониски резултати се резултат на намалениот број на работници и дисконтинуитетот во работењето предизвикан од КОВИД-19, стои во извештајот на компанијата објавен на Македонска берза. Од Мода Свети Николе објаснуваат:
Поради проблемите во продажбата во СРГерманија, нарачките не се доволни за запослување на капацитетот на фабриката.
- Остварените расходи се за 10% пониски од минатогодишните.
- Во извештајниот период нема исплатени дивиденди.
- Во овој период нема остварено инвестиции во нова опрема.
- АД МОДА нема никакви кредитни задолженија.
- Извозот главно се состои во машки кошули, женски блузи и заштитна облека за болници.
- Во идниот период се планира структурално и организационо прилагодување на фабриката на планираното производство и ке се намали бројот на работниците, а производството ке се организира во една смена.
Инаку, лани компанијата за една година имала приход од 3,5 милиони евра, а добивка 14.000 евра.
