Милјардерот кој сакаше да умре сиромав конечно се „ослободи од парите“

Поранешниот милијардер ја исполни својата животна амбиција да го напушти овој свет без „пари“ и иако судниот ден сè уште не стасал, Чарлс Чак Фини наполни 89 години во април, и сакаше „да се осигура навреме“.

Тој го донираше своето богатство вредно 8 милијарди долари. Финеј е коосновач на аеродромската компанија за малопродажба „Duty Free Shoppers“, и откако ги предаде сите свои пари, тој рече дека никогаш не бил посреќен. Компанијата ја започна во 1960 година со пријател, но неговата мотивација отсекогаш била да донира пари во добротворни цели – и тоа го стори.

Овој филантроп од Америка, со ирско потекло, дал 8 милијарди долари на добротворни организации, универзитети и фондации. Тој основал организација наречена „Атлантик филантропи“. Според веб-страницата, донациите се насочени кон здравствени, социјални и политички либерални цели на јавната политика во Австралија, Бермуди, Ирска, Јужна Африка, САД и Виетнам.

Фини е познат во јавноста како „Џејмс Бонд во светот на филантропијата“. Ја започна организацијата „Атлантски филантропи“ пред 36 години, а потоа значително помогна да се воспостави мир во Северна Ирска, како и да се модернизира здравствениот систем во Виетнам.

„Се чувствувам многу добро што ја завршив мојата мисија и им се заблагодарувам на сите што беа со мене на тоа патување“, изјави Фини за Форбс.

Неговиот колега Ворен Бафет истакна: “Тој дури го постави камен темелникот во однос на инспирацијата за давање ветувања. Тој е модел за сите нас. Ми требаат 12 години по мојата смрт да го сторам она што тој го прави во својот живот“.