Аналитика
Извршниот директор на Тесла, Елон Маск предупреди дека акциите на компанијата се прескапи, но тоа не го спречува производителот на автомобили да ги реализира своите спектакуларни профити.
Имено, компанијата Тесла посочи дека ќе има продажба вредна до 5 милијарди долари дополнителни акции, што е второ вакво соопштение за неколку месеци.
Вредноста на акциите на Тесла скокна за 677% оваа година, а Маск уште во мај објави дека цената на акциите на Тесла, според него, е „превисока“.
За разлика од претходните периоди, на Тесла сега не и требаат очајно пари. На крајот на септември тие имаа на располагање 14,5 милијарди долари, повеќе од двојно на почетокот на годината.
Наместо тоа, продажбата на акции се чини дека е обид да се претвори профитот од хартија во вистински пари, со оглед на тоа што проценката на компанијата достигна 600 милијарди долари за прв пат оваа недела.
„Веруваме дека ова е паметен потег во вистинско време за Musk & Co “, рече аналитичарот на „Ведбус секјурити“, Даниел Ајвс.
И покрај се, Тесла има голем број високи трошоци. Нови погони се градат во Германија и околу Остин, Тексас. Покрај тоа, во тек е работа прв пат на пазарот да лансираат камион и полу-трактор.
Маск во вторникот откри дека тој навистина се преселил од Калифорнија во Тексас, велејќи дека верува оти државата Калифорнија започнала да ги зема своите иноватори здраво за готово.. Исто така, треба да се има предвид дека Тексас не наплатува данок на приход на државата или данок на капитална добивка за физички лица, што е потенцијален благодет за вториот најбогат човек во светот.
Калифорнија долго време беше центар на технолошките иноватори, но почна да подлегнува на притисоците. Претходно овој месец, компанијата за информатичка технологија Хјулит Пакард Ентерпрајз објави дека ќе се пресели од Калифорнија во Тексас. Софтверската компанија Палантир, која е критичар на културата на таканаречената Силиконска долина, неодамна исто така го премести своето седиште од Пало Алто во Денвер (Колорадо).
Седиштето на технолошкиот гигант Тесла, е сè уште во Калифорнија, како и компанијата што го произведува вселенското летало Спејс Х (исто така во сопственост на Маск) – иако Маск годинава се судри со официјалните лица за затворањето на фабриката на Тесла во Фремонт за време на пандемија на коронавируси.
