Аналитика
Европската унија (ЕУ) има цел да се бори против рецесијата предизвикана од пандемијата со корона вирусот и тоа со помош на најголемата инвестициска програма за економска стимулација на сите времиња“. Фондот за обнова ќе има на располагање 750 милијарди евра.
Претседателката на Европската комисија, Урсула фон дер Лајен, деновиве постојано патува со авион.
Таа ги посетува земјите-членки на ЕУ за лично да им ја пренесе пораката дека Комисијата ги одобрила плановите за инвестицирање во националните влади во рамките на Фондот за обнова по корона пандемијата.
Оваа ПР-обиколка низ главните градови, служи за активирање на Фондот, кој ќе има максимум 750 милијарди евра за следните шест години.
Во вторникот (22 јуни) таа ги посети Берлин, Рига и Рим. Не беа планирани сериозни преговори меѓу Европската комисија и владите.
Само 25 минути беа предвидени за состанокот и средба со канцеларката Ангела Меркел во Берлин. А Берлин може да земе 25,6 милијарди евра од фондот.
Претседателката на Комисијата потоа ја продолжи турнејата во Париз и Брисел. „Ова е најголемата инвестициска програма во Европа од Маршаловиот план“, рече Урсула фон дер Лајен, пофалувајќи го проектот.
По Втората светска војна, САД започнаа обновување на Европа на т.н. „Маршалов план“.
