Аналитика
КОМЕНТАР НА БИЛАНСОТ НА УСПЕХ
На Македонијатурист ХУАД – Скопје за период 01.01.-30.06.2020 година
Финансиски податоци на акционерското друштво
Друштвото во првите шест месеци од 2020 година од својата основна дејност- хотелски и ресторански услуги како и од други споредни дејности оствари негативен финансиски резултат односно бруто Загуба од 12,65 мил. денари односно нето загуба 12,65 мил. денари. Финасискиот резултат за овој период е намален во однос на истиот период во минатата 2019 година, кога Друштвото оствари позитивен финасиски резултат.
Вкупните приходи за шест месеци од 2020 год. изнесуваат 78,72 мил. денари и се намалени за 57%, додека пак приходите од продажба се намалени за 74% во однос на претходната 2019 година. Сето тоа е директна последица од пандемијата на вирусот Ковид-19.
Вкупните трошоци и расходи од работењето за првите шест месеци од 2020 год. изнесуваат 91,37 мил. денари и се намалени за 25% во однос на 2019 година.
Негативниот финасиски резултат од работењето Друштвото го оставри во услови на прогласена вонредна состојба во Државата, поради пандемијата на вирусот Ковид-19 , како и согласно Одлуката на Владата за привремео затворање на сите угостителски објекти кон која се приклучи и “Македонијатурист” АД Скопје што како последица се одрази во голема мера во работењето на хотелско угостителската дејност, поради откажување на сите аранжмани, затворање на границите и аеродромите уште во почетокот на месец март во 2020 година.
Македонијатурист АД Скопје како општествено одговрна компанија се вклучи во борбата против ширењето на вирусот Ковид-19 со тоа што дел од нејзините сметувачки капацитети без надомест се искористија за сместување на лица спроведени во државен карантин организиран од Владата на РМ.
И покрај остварениот негативен финансиски резултат во привите шест месеци од годината, финансиски показатели како што се степенот на финансиска сигурност, степенот на самофинансирање и општата ликвидност на Друштвото се на доста високо ниво.
Имајќи ги во предвид напред изнесените податоци, а со оглед на тоа дека глобалната здравствена пандемија сеуште трае и се одразува и на севкупното намалено работење на економиите во светот, при што ваквата состојба се очекува да продолжи и во следниот период, Друштвото се соочува со неизвесност во однос на условите за работа со својата дејност.
Сето ова може да предизвика понатамошно намалување на финансискиот резултат на Друштвото, односно искажување на Загуба во идните периоди од деловната 2020 година
Сметководствени политики и методи на вреднување
Во период од 01.01-30.06.2020 година нема промени во сметководствените политики и методи на вреднување на позициите во ревидираните финансиските извештаи на Македонијатурист АД – Скопје.
Дивиденда
На ден 15.04.2020 година на Годишното собрание на акционерите на Друштвото одржано согласно вонредните услови во Државата преку писмена коресподенција одобрена е пресметка и исплата на бруто дивиденда за 2019 година во износ од 92.393.994 денари. Дивидендата за 2019 година е исплатена во законски определениот рок.
Обврски по кредити
“Македонијатурист” АД Скопје на 10.02.2020 година склучи долгорочен под-кредит преку “Шпаркасе Банка” АД Скопје од кредитната линија на Европска банка за обнова и развој (ЕБОР) во износ од 300.000 Еур за набавка на нова опрема за своите објекти Хотел “Холидеј Ин” и Хотел “Белви” во Скопје.
Инвестиции
“Македонијатурист“ АД Скопје во текот на шесте месеци од 2020 направи нови вложувања во износ од 10.488.684 денари во градежни објекти, опрема како и за одржување на постојната опремата во своите објекти.
И покрај вонредната состојба во земјата Друштвото своите идни инвестициони активности во континуитет ги насочува кон реновирање и модернизација на постојните хотелски и ресторански капацитети и кон подобрување на условите за работа, спроведување на нови законски регулативи и задолжително спроведување на нови стандарди за брендираните хотели и тековно одржување.
Во извештајниот период Друштвото нема продажба и отпис на постројки и опрема.
Вложувања во краткорочни хартии од вредност –удели во отворени инвестициски фондови во земјата
“Македонијатурист“ АД Скопје во текот на 2020 година почнувајќи од 31.12.2019 година до 30.06.2020 година има вложено средства вкупни средства во купување на удели во отворени инвестициски фондови во Р.Македонија во вкупен износ од 163.898.357 денари.
Вложувања во хартии од вредност расположиви за продажба
“Македонијатурист“ АД Скопје во извештајниот период има нови вложувања во хартии од вредност во купување на обични акции кај други правни лица во Р.Македонија кои котираат на Македонска берза и тоа 2.000 акции во Комерцијална банка АД Скопје, 2.700 акции во ТТК Банка АД Скопје и 518 акции во НЛБ Банка АД Скопје во вкупен износ од износ од 23.392.511,00 денари.
