Аналитика
Како што пишивме вчера, Македонија ја издава новата еврообврзница, тешка 700 милиони евра.
По вчерашната презентација пред инвеститори за издавање на нова 7 годишна еврообврзница каде беа присутни Министерот за Финансии Д-р Фатмир Бесими, Гувернерката на Народната банка Д-р Анита Ангеловска-Бежоска, Вицегувернерката Ана Митреска и Дејан Николоски од Министерството за Финансии, и претставници на Народната банка и на Министерството за финансии, Македонија позајмува нови 700 милиони евра. Камата што ќе треба да ја плаќаме, сеуште не е објавена.
Во моментов на пазарот понудата за макеоднската еврообврзница изнесува 1,6 милијарди евра.
Претходно во Службен весник, Владата објави дека максималниот износ на еврообврзницата е 700 милиони евра.
Еврообврзниците се издаваат за буџетска поддршка во 2021 година и за рефинансирање на обврските кои достасуваат по основ на отплата на државниот долг на Македонија.
Рокот на доспевање на еврообврзниците ќе биде 7 години.
Во јули за отплата достасува евробрзницата издадена во 2014 година. Македонија треба да врати 500 милиони евра.
