Летот „за никаде“ се распродаде за само 2,5 минути

Qantas нуди нов „лет за никаде“ што ќе им даде можност на австралиските патнички ентузијасти да ги набудуваат целосните затемнувања на Месечината од висина од 12 000 метри.

И овој „лет до никаде“ се распродаде за рекордно време – за само 2,5 минути

Цената на билетот за оваа необична дестинација за економска класа е 386 долари, а за деловната класа 1.160 долари.

Авиокомпанијата ветува прилично спектакуларен поглед на Месечината, имајќи предвид дека соработува со астрономот Ванеса Мос за дизајнирање на најдобрата орбита, која ќе биде на летот за да ги забавува патниците со факти и сознанија за затемнувањето на Месечината што ќе се случи на мај 26

Целосното затемнување на Месечината треба да биде видливо од Австралија, Нов Зеланд, некои пацифички територии и западниот брег на САД.

Иако е опасно директно да се следи затемнувањето на Сонцето, сосема е безбедно да се восхитувате на затемнувањето на Месечината.

За овој лет, кој ќе трае три часа, избран е Боинг 787 Дримлајнер, бидејќи е идеален за ваков вид патувања поради големите прозорци.