Која македонска банка може да порасне за 12% на берзата?

Аналитичарите на Wood and Company, сметаат дека акцијата на НЛБ Банка треба да се држи.

Стапките на ликвидност на НЛБ банка се на ниво на пазарот во моментов, а локалната централна банка очекува самиот банкарски сектор да расте побрзо од неговите врсници во следните години, сметаат аналитичарите на Wood and Company. 

Според нив, на концентриран пазар како што е Северна Македонија, се очекува најголемите банки да добијат голем удел во растот на пазарот, што може да резултира со помала добивка на уделот на пазарот. 

Со оглед на нејзината историја на дивиденда, НЛБ банка може да се смета како одлична инвестиција кога станува збор за дивиденда. Додека раководството избра да не исплаќа дивиденда од добивката во 2019 година, веруваме дека исплатата на дивидендата може да се врати наскоро од повеќе причини:

1. Капацитетот на НЛБ банка да го стори тоа, дури и покрај високите стапки на раст на очекуваните заеми.
2. Разумните нивоа на капитал, особено по откажаната исплата на дивиденда оваа година.
3. Присуство на голем, стратешки инвеститор под името НЛБ Групација. Предвидуваме принос на дивиденда од 4,2% и 5,5% во 2021 и 2022, соодветно, но признаваме дека може да бидеме малку премногу конзервативни во однос на моделираните стапки на исплата од 50% во текот на нашиот период на прогноза, изјавија аналитичарите.

Вреднување. Според наше мислење, сегашната цена на акцијата повеќе или помалку ја одразува основната вредност на банката. Очекуваме профитабилноста на банката да остане силна и повратокот на средстава да се врати на нивоа над 12% до крајот на 2022. Потенцијалот за раст на заемот на банката останува силен како резултат на ликвидноста на ниво на пазарот и доброто ниво на капитал.