Кој е новиот шеф на Амазон: Мултимилионер, Магистар од Харвард

Енди Џеси, кој има 53 години ќе биде новиот шеф на Амазон, објави сопственикот на компанијата и еден од најбогатите луѓе во светот Џеф Безос.

За американските медиуми, веста за повлекување на Безос од кормилото на една од најуспешните компании на планетата беше изненадување. Колку е важна оваа одлука, најдобро сведочи фактот дека само минатата година Амазон пријави вкупна заработка од околу 325 милијарди евра. Џеси има дипломирано на Харвард, потоа магистрирал на Харвард во Бизнис школата.

Тој дојде во Амазон од универзитетот во 1997 година – во четвртата година од постоењето на компанијата. Во претходните години, тој беше шеф на веб-услугите на Амазон и беше признат како оперативец кој и донесе најголем профит на компанијата.

Со оглед на тоа колку пари заработи за Амазон, неговата лична заработка досега изгледа минорна. Во ноември минатата година, богатството на Џеси беше проценето на околу 340 милиони евра.

Тој е познат како отворен јавен критичар на ривалската компанија „Оракл“ и е еден од сопствениците на тимот за хокеј, Сиетл Кракен. Во брак е со модниот дизајнер Елана Рошел Каплан од 1997 година, нивните татковци биле партнери во заедничка адвокатска канцеларија.

Тие имаат две деца и живеат во Сиетл, далеку од очите на јавноста.

Енди Џеси ќе го преземе управувањето со Амазон во третиот квартал од оваа година.