Кои се Сити плаза, новите газди на Рамстор?

Кои се Сити плаза ДОО, компанијата што денеска официјално ја презема компанијата Рамстор Македонија? Сопственик на „Сити Плаза ДОО“ е познат бизнисмен кој се смета за еден од најуспешните во земјава.

Станува збор за  Ајдован Адемоски. Тој е сопственик на хотелот „Стоун бриџ“ во строгиот центар на Скопје кај Камени мост.

Адемоски управува и со трговскиот центар Капитол мол во Аеродром, а сопственик е и на хотелот Хилтон покрај реката Вардар во Аеродром. Адемоски е почесен конзул на Турција во нашата земја, претседател на Македонско-турската стопанска комора во Македонија, претседател на Бордот на директори на Меѓународниот балкански универзитет .

Вкупната вредност на досегашните инвестициски зафати на Сити Плаза ДОО изнесуваат над 100 милиони евра.

„Рамстор“ е еден од најголемите синџири во делот на малопродажбата во земјава, со маркети во најголемите градови.

Овој бренд во Македонија започна со работа во 2005 година како дел од „Мигрос Тиџарет А.Ш“, најголемиот синџир на маркети во областа на меѓународните маркети за малопродажба.