КЛИМАТСКИТЕ ПРОМЕНИ ГО „СМАЛУВААТ“ ГРЕНЛАНД: Топењето на мразот го преобликува островот – и го поместува секоја година за 2 сантиметри

Додека климатските промени го погодуваат Арктикот со се’ поголема брзина, Гренланд се „смалува“ по големина. Ново истражување од DTU Space, објавено во Journal of Geophysical Research: Solid Earth, вели дека оваа прекуморска данската територија се „извиткува, компресира и растегнува“, а исто така полека се движи кон северозапад.

Феноменот, кој го откриле научниците, се случува поради тектониката на плочите и движењата во карпестата подлога, што е предизвикано од големите ледени плочи на врвот кои се топат и „намалуваат притисокот врз подземјето“.

ГРЕНЛАНД „ПАТУВА“ КОН СЕВЕРОЗАПАД

Истражувачите велат дека овие движења го прават Гренланд да се шири и собира хоризонтално, што значи дека некои региони се „истегнуваат“ и стануваат поголеми, додека други делови се „стеснуваат“.

Истражувачот на DTU Space и главен автор Данџал Лонгфорс Берг вели дека генерално ова значи дека Гренланд станува помал – но ова би можело да се промени во иднина со „забрзаното топење што го гледаме сега“.

Студијата, која произведе мерења базирани на 58 GNSS станици околу Гренланд, исто така откри дека целиот остров се поместил кон северозапад во текот на изминатите две децении за околу 2 сантиметри секоја година.

Истражувачите велат дека притисокот се намалува поради големите количини мраз што се стопиле во Гренланд во последните години како резултат на климатските промени.

Во 2024 година, ледената покривка на Гренланд (која се формирала пред околу три милиони години) изгубила 55 + 35 гигатони маса.

Иако ова беше најмалата годишна загуба на мраз од 2013 година, ова е 28-та година по ред каде што Гренланд изгубил повеќе мраз отколку што произведува и претставува сериозна закана за човечката и природната средина низ целиот свет.

Но, карпестата подлога на островот, што се наоѓа под мразот е исто така погодена од „огромните“ ледени маси што се стопиле од врвот на последното ледено доба пред околу 20.000 години. „Мразот што се стопи во последните децении го турка Гренланд нанадвор и предизвикува подигнување, така што областа всушност стана поголема во овој период“, додава Берг.

„Во исто време, гледаме движење во спротивна насока, каде што Гренланд се издига и се собира поради праисториски промени во ледените маси поврзани со последното ледено доба и неговиот крај.“

(Фото: Space.com)