Казни за блокирање на профили на социјалните мрежи

Гувернерот на Флорида, Рон ДеСантис потпиша закон со кој се казнуваат технолошките компании, како што се Твитер и Фејсбук, доколку ги блокираат профилите на политичките кандидати, како што беше направено со поранешниот претседател Доналд Трамп.

Гувернерот, републиканец, кој се смета за еден од можните претседателски кандидати на следните избори во 2024 година, рече дека овој потег е дел од „борбата против цензурата на големите технолошки компании“.

„Многумина во нашата земја доживеаја цензура и друго тиранско однесување во Куба и Венецуела“, рече тој, осврнувајќи се на многу гласачи од тие земји на Флорида. „Ако цензорите за технологија ги применуваат правилата нерамномерно, заради дискриминација во корист на доминантната идеологија на Силиконската долина, сега ќе мора да одговараат“, рече ДеСантис.