„Каде се парите“ вонредна епизода | Проверувај, не верувај!

Во светот, регионов и во Македонија се повеќе царуваат лажните вести и дезинформациите. Постојано се слуша дека од кризните региони и во политиката се шират невистини за да се залаже јавноста и одредени групи да се стекнат со корист. Но, многу малку се зборува за оваа појава и во економијата.

Затоа, вонредниот поткаст „Каде се парите…“ на pari. com.mk каде гостуваат Магдалена Михајловска, поранешна новинарка и ПР експерт и Никола Поповски, универзитетски професор и поранешен политичар е посветен на две работи:

1. Дали тие препознаваат во нашиот медиумски простор обиди за манипулација во областа на економијата
2. Како некоја вест во областа на економијата брзо да се провери дали е точна. Автор и водител на поткастот е Горан Теменугов и тој е изработен во рамките на проектот ,,Користи факти”, кој го спроведува Институтот за комуникациски студии, со поддршка на Британската амбасада во Скопје.

#КористиФакти #ИКС  @ИнститутЗаКомуникацискиСтудии / InstituteOfCommunicationStudies

Поткастот „Каде се парите?“ во продукција на порталот Пари (www.pari.com.mk) e новиот онлајн простор за дебати и потрага по одговори за актуелни економски и политички теми. Во едночасовниот разговор со внимателно одбраните гости, се нудат интересни информативни, аналитички и едукативни содржини.