Јавниот долг во земјите на ЕУ бележи значителен раст

Иако се чини дека растот на јавниот долг во земјите од регионот беше висок во првите седум месеци од оваа година, соседните земји трошат значително повеќе за да им помогнат на своите економии .

Со учеството на јавниот долг во БДП, кој се зголеми за дури 12,1 процентни поени годинава, од 73,2 на 85,3 проценти, Хрватска, како и минатата година, го држи високото осмо место во ЕУ, забележува Слободна Далмација.

Хрватска е пред седум земји според учеството на јавниот долг во бруто домашниот производ. Лидер е Грција, чиј јавен долг изнесува 187 проценти од БДП, следена од Италија со 149 проценти и Португалија со 126 проценти, потоа Белгија, Франција, Кипар и Шпанија, а Хрватска е на осмата позиција.

Со износи измерени во милијарди или илјадници милијарди евра, Унијата е предводена од Франција со 2,6 трилиони евра јавен долг, Италија со 2,5 трилиони и Германија со 2,2 трилиони евра, што претставува 67 проценти од германскиот БДП.

Во текстот се наведува дека за само половина година, во Хрватска се избришани шест години напори за намалување на учеството на јавниот долг во БДП, при што тој беше намален за 11,5 процентни поени.

Исто така, се наведува дека, според податоците на Евростат, јавниот долг на Словенија во споменатиот период достигнал 78 проценти од БДП, Унгарија 70 проценти, додека најмалку се задолжени Бугарија со само 21 процент од учеството на јавниот долг во домашниот производ и Чешка со 39,9 проценти.